Ang diabetes ay isa sa mga pangmatagalang sakit na nararanasan ng karamihan sa mga Pinoy. Ang sakit na ito ay maaaring namamana o nakukuha lang dahil sa pamumuhay o sa mga pagkaiing kinukonsumo.
Ito ay isang seryosong kondisyon na nangangailangan ng atensyong medikal at patuloy na pangangalaga upang hindi ito lumala.
Narito ang mga halamang gamot na pwede mong subukan na makakatulong upang kontrolin ang sakit na diabetes:
1. Bawang
Ang pagkain ng hilaw na bawang ay nakakatulong pababain ang cholesterol level, high blood at blood sugar level sa iyong katawan.
Paano gamitin: Kumain ng isa hanggang 2 pirasong butil ng hilaw na bawang araw-araw.
2. Sibuyas
Nakakatulong ang pagkain ng sibuyas sa pagpapababa ng mga "bad" cholesterol sa katawan na sanhi ng pagiging mataba.
3. Ampalaya
Isa ang ampalaya sa mga pinakamabisang halamang gamot para sa may mga diabetes. Ito kasi ay may active ingredient na Polypeptide-P, Momordicin, at Charantia na may kakayahang pababaing ang blood sugar level.
Paano gamitin: Pwedeng lutuin at kainin ang bunga ng ampalaya. O kaya ay kumuha ng dahon ng ampalaya at durugin. Pakuluin ito at salain. Inumiin ito na parang tsaa.
4. Okra
Ang okra ay may natural na anti-diabetes properties na mabisang nagaabsorb ng asukal mula sa iyong mga bituka. Kaya naman ito nakakatulong pababain ang iyong sugar level.
Paano gamitin: Kumuha ng 4-5 okra. Hiwain sa dalawa. Ibabad sa baso ng tubig at iwanan buong gabi. Kinabukasan ay pisilin ang natirang laman nito sa pinagbabarang tubig at inumin ang iyong okra water.
.
5. Sambong
Mabisa ang sambong hindi lamang sa pagtanggal UTI pati na rin sa pampabagal mag-absorb ng ating katawan ng carbohydrates.
Paano gamitin: Ilaga ang dahon ng sambong. Gawing itong tsaa sa umaga kapalit ng kape.
Paalala: Maaaring ang mga halamang gamot na ito ay makakatulong sa iba na may sakit na diabetes o kailangan lang ng mas mahabang gamutan. Kung hindi sigurado, mas makakabuting magpasuri muna sa doktor tungko; sa iyong kondisyon.
Comments
Post a Comment