Alden Richards Pinangakuan Ang Isang Lola Na Susustentuhan Niya Buwan-buwan!

Isa si Alden Richards bilang isa sa mga fast rising stars ng industriya ng showbiz. Mas lalong nakilala at sumikat dahil sa tambalan nila ng kanyang co-host na si Maine Mendoza. Marami na ang kanyang fans dahil sa pagiging humble niya sa mga tao.

At mas lalo pa siyang hinangaan pati na rin ng kanyang mga co-hosts sa Eat Bulaga ng may tinulungan siyang isang matanda at pinangakuan na susustentuhan niya ito buwan-buwan.

Sa isang segment nila na Juan For All, All For Juan noong June 9 ay napili ang isang lola na nagngangalang Lola Alberta. Lumambot ang puso ni Alden dahil naalala nito ang kanyang lola na nag-alaga sa kanya noon. 

Ang 81 na taong gulang na si Lola Alberta ay nangungupahan lamang sa isang maliit na kwarto sa isang apartment. Malayo siya sa kanyang mga kamag-anak at sa edad pa niyang eto ay nagtatrabaho pa siya bilang tagahugas ng pinggan sa isang karinderya at kumikita lamang ng 100 piso kada araw. 

Kung iisipin, dapat sa ganitong edad niya ay dapat na nagpapahinga na lamang siya. Ngunit dahil sa hirap ng buhay ay pinipilit pa rin niyang kumayod upang mabuhay. 

Matapos ang pagbisita at pamimigay ng premyo nila Jose Manalo at Wally Bayola kay Lola Alberta ay may ipinahabol na mensahe si Alden sa kanya.

Ang sabi ng aktor:

"Nay, kasi may lola din po akong kagaya niyo. Para di na po kayo naghihirap maghugas ng pinggan, para hindi po namamanhid ang kamay niyo, ako na po magpapadala sa inyo ng additional allowance buwan-buwan para makatulong pa sa inyo po."

Para daw kahit maubos man ang sustento na binibigay sa kanya ng mga kamag-anak ay mayroon pa itong buwan-buwan na allowance na galing kay Alden. 

Napaiyak sa tuwa ang matanda at sobrang nagpapasalamat sa aktor. Samantalang pinaalalahanan pa ni Alden na dapat ay alagaan ang sarili.

Napahanga rin niya ang kanyang mga co-hosts na sina Wally at Jose at sinabi na mabait daw talaga na bata yang si Alden kahit nasa likod man siya ng camera. Marami daw ang lumalapit upang humingi ng tulong. At walang dalawang salita ay iaabot niya ang tulong sa nangangailangan hangga't kaya niya.