Ang pagiging ina ay isang napakalaking sakripisyo. Unang una rito ay ang pagsasakripisyo mo sa iyong katawan dahil sa mga pagbabagong magaganap habang ikaw ang nagbubuntis hanggang sa manganak.
Sa halip, naging challenge ito para sa Kapuso actress na si Marian Rivera. At naging inspirasyon pa siya sa maraming taong gustong magpapayat. Kaya pala kahit siya ay nanganak na, napanatili pa rin niya ang kanyang slim at seksing katawan dahil dito sa kanyang sikreto!
Nagmimistulang parang dalaga pa rin si Marian dahil sa ginawa niyang balik alindog program. Ito ay ang pagco-crossfit. Ito ay ang iba't ibang uri ng workouts na mayrong high-intensity interval training, olympic weightlifting, gymnastics, at iba pa.
Nais talaga ni Marian na maging fit hindi para sumeksi kung hindi para maging healthy para sa kanyang anak na si Zia.
"Befire kasi di ako masyadong OA sa page-exercise. Nage-exercise ako pero hindi ko kina-career. But this time na may Zia ako, sabi ko I want to be healthy, hindi dahil sa mag-gym ako dahil gusto kong sumeksi. No, I want to be healthy for my Zia." pahayag ni Marian.
Sa ngayon ay active ang actress sa kanyang pagco-crossfit halos araw araw, maliban na lang tuwing linggo dahil mayroon siyang taping sa Sunday Pinasaya na napakaaga. Ayon din sa kanya, pwede namang kumain ngunit siguraduhing ito ay tama at bawal lang ang sobra.
Ayon sa kanyang coach, hindi lang sila nagfofocus sa specific body part at sinisiguradong nacocover ang buong katawan nitong exercise na ito. Minsan ay makikita sa post ni Marian sa kanyang Instagram account na magkasama pa sila ng kanyang asawa na si Dingdong Dantes na nag-eexercise.
Bukod sa exercise niyang ito, ang diet daw niya ay fish. Kadalasan siya pa mismo ang nagluluto ng kanyang pagkain upang masiguradong ito ay healthy. At umiiwas siya sa matamis dahil ito ang pangunahing nagdudulot nang pagkataba.
Comments
Post a Comment