Sa isang relasyon hindi mawawala ang hindi pagkakaintindihan. Madalas na nagaaway sa mga maliliit na bagay lamang at kadalasan na hindi nagkakaintindihan. May mga salita at action ang hindi sinasadyang nasasabi ng bawat isa kaya kung minsan mas lumalala ang sitwasyon.
Kaya ang artikulong ito ay magbibigay ng kaalaman sa iyo kung bakit kinakailangan na iwasan ang mga maling pag-uugaling nagagawa kapag nag-aaway, may problema, o kaya may hindi pagkakaintindihan kayong mag-asawa.
Sa panahon ng isang pag-aaway, madali lamang na masaktan ang isang tao sa pamamagitan ng salita o action. Ang sama ng loob, kapag tumagal at lumala ay siyang magiging sanhi ng pagkakasira ng relasyon.
Ang mga sumusunod na mababasa sa ibaba ay mapapagtanto mo na, ito ang tama at mali, at kung ano dapat at hindi dapat na gawin kapag nasa isang pag-aaway.
1. Huwag idamay ang ibang pamilya o tao sa inyong away
Tuwing may hindi pagkakaunawaan kayong mag-asawa ay kinakailangan na kayong dalawa lamang ang dapat na mag-usap at wala nang iba pa. Dahil kapag idinawit ang mga magulang o sino mang miyembro ng pamilya ay maaaring maging sanhi pa ng paglala ng sitwasyon na siyang makasisira sa pamilya.
2. Huwag sas^ktan ang inyong partner
Minsan habang nag-aaway ang magkarelasyon ay napapakita ang hindi magandang pagkatao. Minsan sa kadahilanang gusto nilang ipakita na sila ang tama ay nauuwi ito sa panan^kit. Ngunit hindi ito tamang gawain at huwag hayaan na gawin mo ito o mangyari. Dahil ang pisikal na panan^kit sa iyong asawa ay siyang pap^tay at sisira sa relasyon na inyong binuo. Kaya dapat kahit gaano pa katindi ang iyong galit ay kinakailangan na kontrolin ang sarili at idaan sa mainahon na usapan.
3. Huwag idamay ang nakaraang mga away sa bago ninyong pinagaawayan
Kung ang sanhi ng pag-aaway ay ang hindi niya pagsunod sa iyong gusto o may maling nagawa ay dapat na yun lamang ang inyong pag-uusapan ng maayos. Huwag idawit ang mga nakaraan na maling nagawa niya. Dahil ang pag-uungkat ng panibagong usapin ay siyang mas ikakalala ng sitwasyon na mauuwi lamang sa mas lalong hindi magkakaintindihan.
4. Huwag pag-uusapan ang pakikipaghiwalay
Sa tuwing may hindi kayo pagkakaintindihan ay huwag dapat na lumabas sa iyong bibig ang salitang ‘hiwalayan’. Ang salitang ito ay napakalaking insulto sa inyong relasyon at napakas^kit na marinig ito mula sa iyong minamahal. At sa dalas na marinig ito sa iyong partner o asawa sa tuwing nag-aaway kayo ay siyang bilis ng pagkakasira ng inyong relasyon at tuluyang pag-hihiwalay.
5. Huwag mag-walk out o umalis ng bahay sa tuwing nag aaway
Sa simpleng pag-alis sa inyong bahay kapag nasa sitwasyon ng pag-aaway ay nagpapakita ng hindi ka komportableng makasama sa iisang bahay ang iyong partner,. Pagtatakas sa sitwasyon na kailangan na pag-usapan ay maaaring mas ikakalala pa ito ng sitwasyon. Kailangan na hintaying kumalma ang isa’t isa at pag-usapan ng mabuti ang problema.
6. Huwag matulog ng magkahiwalay
Huwag hahayaang matulog ng magkahiwalay kapag may pinag-aawayan o hindi pagkakaintindihan. Ang pag-uugaling ito ay nakasisira ng relasyon at mas ipinalala ang sitwasyon. Kailangan din na bago matulog ay maayos ninyo ang ano mang hindi pagkakaunawaan. Ang pagtulog ng magkasama pagkatapos ng isang away ay nagpapakita ng kahit ano pa mang dumaang problema ay mauuwi pa rin sa pag-sasama ninyong dalawa at gigising ng yakap ang isa’t isa.
7. Huwag mag-aaway sa publiko
Ang pag-aaway sa harap ng maraming tao at sa publiko ay nagpapakita ng kawalan ng respeto sa isa’t isa. Hindi ito magandang pag-uugali ng magkarelasyon. Mas magandang gawin ay pag-usapan ang problema kapag nasa bahay at kayong dalawa lamang.
Comments
Post a Comment