Ang ating balat ang pinakamalaking organ sa ating katawan. Ito ang nagsisilbing panangga o barrier laban sa mga masamang elemento sa ating paligid. Ang hindi pag-aalaga ng mabuti sa iyong balat ay maaaring makapagdulot ng iba't ibang skin conditions at maagang pagkulubot at pagtanda.
Isa sa mga karaniwang kondisyon sa balat ay ang pagkakaroon ng mga pekas at dark spots. Ito ang mga dark discoloration na lumilitaw sa balat partikular sa mukha, sa likod, at iba pang parte ng katawan. At maaaring lumitaw ang mga ito sa kahit anong edad.
Bakit nagkakaroon ng dark spots o pekas?
Ang mga dark spots ay maaaring lumitaw lamang ng hindi inaasahan. Ngunit napakaraming factors din ang makakapagdulot ng skin condition na ito tulad ng pagkabilad sa araw, implamasyon, pagbabago sa iyong hormones, problema sa iyong atay, medikasyon, at pagtanda.
Kaya narito ang mga simpleng paraan upang ang mga ito ay matanggal at ma-lighten.
1. Patatas
Ang katas ng patatas ay nakakatulong upang mapaputi ang mga dark spots at blemishes sa iyong balat. Maaaring mag-apply ng potato juice sa mga parteng nais pumuti o maaari ring ipahid ang manipis na slice ng patatas sa iyong mga pekas at hayaang nakababad ng ilang minuto bago hugasan ng tubig. Maaari magkita ang pagbabago sa loob ng 7-8 na araw.
2. Aloe Vera
Ito ay mag anti-aging at skin nourishing properties na mabisang remedyo para sa balat. Kumuha ng fresh na dahon ng aloe vera sa ito hatiin. Ikaskas ang gel sa iyong balat lalo na sa parteng may mga dark spots. Hayaan itong matuyo sa balat bago banlawan. Ulitin araw-araw.
3. Balat ng orange
Bago itapon ang mga balat ng orange ay maaari mo pa itong gamitin upang makagawa ng face mask para mapaputi ang mga pekas sa mukha. Patuyuin ang mga balat saka igrind. Kapag nakagawa na ng orange peel powder ay takalin ito sa 1 kutsara at ipaghalo sa 3 kutsara ng gatas. I-mix ng mabuti hanggang makagawa ng paste at iapply ang mask sa mukha. Hayaan ng 10-15 minuto bago banlawan.
4. Lemon
Ang lemon ay kilala na bilang isang natural na pampaputi ng balat. Gamit ang fresh lemon juice, isawsaw ang bulak dito. Ipahid ang bulak na may lemon juice sa mga parte ng katawan na may dark spots. Hayaang matuyo ang katas ng lemon bago hugasan. Mag-ingat lamang dahil sa ibang sensitibong balat ay maaari itong mahapdi.
5. Coconut oil
Ang coconut oil ay isang natural na remedyo na nagbibigay ng napakaraming magagandang benepisyo sa balat. Ito ay may nourishing, anti-bacterial, at moisturizing effect sa balat. Iapply lamang ito sa apektadong balat at hayaan itong maabsorb ng mabuti.
6. Apple Cider Vinegar
Maghalo ng parehong amount ng tubig at apple cider vinegar sa isang lalagyan upang makagawa ng DIY skin toner. Iapply ito araw-araw sa mga parte na may dark spots hanggang mag-fade ang mga ito.
Comments
Post a Comment