Ang Mugwort o Damong Maria kung tawagin dito sa ating bansa ay isang halaman na matagal nang ginagamit sa medisina dahil sa mga katangian nito na may benepisyong pangkalusugan. Karaniwan rin itong ginagamit ng mga kababaihan dahil sa kakayahan nitong gamutin ang mga karamdaman na partikular sa mga babae kagaya ng dysmenorrhea at iba pang mga sintomas tuwing ang mga babae ay nireregla.
Ang halaman na ito ay matatagpuan sa halos kahit saang parte ng mundo at ito ay natural na may katangiang pangontra sa mga bacteria, fungi at parasite. Ayon sa mga pag-aaral, ito ay nakakatulong sa pagsasa-ayos ng daloy ng dugo tuwing may buwanang dalaw ang mga babae at ginagawa nitong regular ang pagdating nito kada buwan. Ngunit dahil rin sa mga katangiang ito ay hindi ito pwede sa mga babaeng nagdadalang tao.
Mga Paraan Kung Paano Magagamit ang Damong Maria:
1. Maaari mo itong gawing Tsa-a
Maghalo lamang ng 1 hanggang 2 kutsara ng tuyong dahon ng Damong Maria sa isang tasang tubig na bagong kulo. Takpan ito at hayaang mababad sa loob ng 10-15 minutos at pagkatapos ay salain. Inumin ito hanggang 3 beses sa isang araw.
Ang tsa-a na ito ay may mapait na lasa kaya maigi na haluan ito ng ibang sangkap kagaya ng lemon, luya o kaya ay honey upang mas maging kaaya-aya sa panlasa.
2. Tincture
• Lagyan ang isang garapon hanggang ¾ ng bagong pitas na Damong Maria o hanggang 1/3 naman kung ang gagamitin ay tuyong mga dahon nito. Punuin ito ng vodka at siguraduhin na ang kabuuan ng halaman ay nakababad bago isarado nang mabuti ang garapon. Itago ito sa isang tuyo at may kadiliman na lugar sa loob ng isang buwan o higit pa at kalugin ang laman nito kada ilang araw upang mahalo mabuti. Salain ito at ilipat sa isang lalagyan na may dropper. Kumunsumo ng 1 hanggang 2 punong dropper araw-araw.
3. Para sa balat
• Ang mga dahon nito ay pwedeng dikdikin o kaya ay simpleng ilapat sa bandang puson lalo na tuwing may regla at inaatake ng pananakit sa parteng iyon.
Iba pang mga benepisyo na pwedeng makuha sa Damong Maria:
-Nakakatulong sa tiyan
•Ang mga dahon nito ay may kapaitan na napapagana nito lalo ang ating sikmura at nakakatulong sa mga problema sa tiyan kagaya ng constipation, mabagal na panunaw at nakakatulong rin upang mas ma-absorb ng ating katawan ang mga sustansya na kailangan nito.
-Nakakapag-paihi
• Mas dadalas ang pag-ihi ng taong kumukunsumo nito at ito ay mabuti dahil mas nailalabas nito ang mga sobrang asin at mga lason sa kanilang sistema.
-Nakakapagpaginhawa sa pananakit ng mga kasu-kasuan
• Ang damong ito ay may Borneol na sinasabing nakakatanggal ng s(a)kit na nararamdaman tuwing inaatake ng rayuma.
Comments
Post a Comment