Ito ang Dahilan Kung Bakit Hindi Maganda ang Naidudulot ng Pag ulit-ulit na Gamit ng Plastic Bottles o Container!

Alam naman natin na pangunahing problema ang plastik sa ating kalikasan dahil sa masamang dulot nito. Subalit alam niyo ba na hindi lamang sa kalikasan ang masamang epekto na ito? Masama rin ito sa ating kalusugan. Ating alamin kung ano ang masamang dulot nito sa katawan lalo na paggamit ng plastic para sa ating pagkain o inumin.

Isa ka ba sa mga taong inuulit-ulit na gamitin ang plastik na bote para lagyan muli ng panibagong tubig o kaya naman pinaglalagyan ng iba pang klase ng inumin upang makatulong sa pagbawas ng plastik na basura? Kung nakagawian mo na ito ay nararapat na iwasan mo na ito dahil ang maaaring maging epekto ng plastik sa ating kalusugan ay hindi kanais-nais.

Ang pag-uulit ng bottled water ng ilang beses ay masama sa kalusugan dahil maaring matunaw ang mga kemikal ng plastic at ito ay iyong mainom kung saan posibleng magdulot ng masamang epekto. 

Ano nga ang nilalaman ng ilang mga bottled water at bakit ito masama sa ating kalusugan?

1. Bisphenol A

Ang sangkap na ito ang nagiging dahilan sa pagtubo ng nakakasamang bakterya mula sa sirang bote na siya rin makikita sa plastik straw. Kaya naman ito ang nagdudulot ng masamang epekto at malalang problema sa kalusugan. Ang kasanayang ito ay lingid sa ating kaalaman na mayroon palang masamang epekto sa ating kalusugan.

2. Estrogenic chemicals

Hindi man ito kasing popular ng BPA parehas lamang ang epekto nito sa ating kalusugan. Ito ay nakakasama dahil hindi maganda ang dulot nito sa hormones ng isang tao. Madalas mayroong estrogenic chemicals ang mga plastic bottles na ating ginagamit.

3. Microplastic contamination

Ayon sa isinagawa na pag-aaral, ang dalawang daan limamput anim na boteng sinuri ay nakitaan ng siyamnaput tatlong porsyento na kontamido ng microplastic. Napag-alaman din na ang mga single use na plastik ay gawa sa PET. Samantala, ayon naman sa mga pagawaan na gumagamit sa naturang kemikal ay sinasabing ligtas na gamitin sa unang beses lamang ang bote ngunit kung uulitin ay maaaaring makapagkontamina ng tubig kung ito ay maiinitan at magasgasan na siyang makakasama sa ating sikmura.

4. Bakterya at germs

Kahit ang mga plastic na bote ay pinamamahayan din ng mga bakterya at germs. Maaaring mula ito sa kamay at bibig na napapasa lamang sa bote. Nangyayari ito sa lahat ng inumin dahil maaaring maliit ang daluyan ng pag-inuman kaya hirap linsin kaya pamumugaran ito ng mga bakterya at germs. Kaya upang maiwasan ang masamang dulot nito huwag uulit-uliting gamitin ang plastik water bottle. At para na rin sa mas ikakaganda ng iyong kalusugan gumamit na lamang ng inuman na babasagin o kaya gawa sa stainless.

Huwag po tayong mag ulit ng mga water bottle lalo na kung ito ay naarawan o nababad sa init dahil hindi natin alam na baka natunaw pala ang mga kemikal sa loob at nahalo sa tubig na ating iinumin.