Madalas makaramdam ng mahapdi, nangangasim at umiinit ang sikmura? Hindi mawari ang nararamdaman sa tuwing nararanasan ito kaya naman naghahanap ng gamot para malunasan ito? Ating alamin kung anu-ano ang mga dapat na gawin upang maiwasan at maibsan ang sak!t na nararamdaman na dulot ng hyperacidity.
Ang hyperacidity o acid reflux na tinatawag ay nararanasan sa tuwing umaakyat ang acid na mula sa tiyan patungong lalamunan. Bukod sa pakiramdam ng nananakit na sikmura minsan kaakibat nito ang pagsikip ng dibdib. Hindi naman ito nakakabahala ngunit kung madalas na mangyari ito ay maaaring masunog ang daluyan ng ating pagkain o ang lalamunan. Kilala ang gamot na omeprazole sa mga pamilihan ng medisina laban sa hyperacidity. Ngunit ang pinaka-magandang pamamaraan upang maiwasan ito ay ang pagbabago sa iyong pamumuhay nang sa gayon bumuti ang kalusugan.
Mga Lunas upang maiwasan ang hirap na pakiramdam na dulot ng hyperacidity:
1. Huwag kumain ng sobra
Ang ating lalamunan ay konektado sa ating tiyan sa pamamagitan ng ring-like muscle o lower esophageal sphincter na kung saan ito ang pumipigil sa mga acidic na nilalaman mula sa ating tiyan na umaakyat patungo sa ating lalamunan. Ito ay bumubukas sa tuwing lumulunok tayo o nagsusuka at kung hindi naman ay nakasara lamang ito. Ang sobrang pagkabusog ay nagkakaroon ng humihigit na pressure sa ating tiyan at kung nangyayari ito ay hindi mapigilan ang acid na umakyat sa ating lalamunan lalo na kung naiipit ang tiyan. Sabi nga nila ang sobra ay nakakasama kaya naman kailangan na iwasan ang sobrang pagkain upang bumuti ang iyong pakiramdam at malayo sa pananakit ng sikmura.
2. Pagbawas ng Timbang
Madalas maranasan ng mga obese at buntis ang hyperacidity dahil ito sa pagkakaroon ng pressure sa tiyan na maaaring makapagpaakyat ng acid sa ating lalamunan. Ayon na rin sa mga pag-aaral ang sobrang timbang na nagdudulot ng mga bilbil ay siyang nagpapataas sa tiyansa ng GERD. Gayunman ang pagbaba ng timbang ay makatutulong sa pagbawas ng sintomas ng acid reflux.
3. Bawasan ang pag-inom ng alcohol
Kabilang ang inuming alcohol sa nagpapadagdag o mas nagpapalala ng acid reflux at heartburn dahil dinaragdagan nito ang acid sa ating tiyan. Kaya kung gusto mong maiwasan ito ay bawasan ang pag-iinom ng alcohol o mas magandang huwag na lamang uminom para na rin bumuti ang kabuuang kalusugan at malayo sa karamdaman na maiuugnay rito.
4. Huwag sosobra sa pag-inom ng kape
Kabilang ka ba sa mga taong madalas magkape? Napapansin mo rin ba na sa tuwing napaparami ang iyong inom ay madalas nakakaramdam ng acid reflux. Kung oo ang iyong sagot ay mainam na bawasan ito o alisin na sa iyong sistema dahil ang sobrang pag-iinom ng kape ay nagdudulot ng paglala ng sintomas sa pananakit ng sikmura. Ayon na rin sa pag-aaral na pinapahina nito ang lower esophageal spincter na siyang nagiging sanhi ng pagatake ng acid.
5. Pag-nguya ng bubble gum
Minsan nakakairitang tignan ang mga taong ngumunguya ng gum dahil parang maitutulad ito sa isang kambing. Ngunit alam mo ba na may magandang dulot rin ito sa ating kalusugan. Ayon sa pananaliksik ang pag-nguya ng gum ay nakatutulong na mabawasan ang acidity sa ating lalamunan at ito ay nagtataglay ng bicarbonate. Sa ating pag-ngunguya ng gum ay nakadaragdag sa produkyon ng ating laway na kung saan tumutulong ito sa lalamunan na alisin ang acid na mula sa tiyan.
6. Umiwas sa pagkain ng hilaw na sibuyas
Ayon sa isinagawa na pag-aaral sa mga taong nakararanas ng acid reflux napagalaman nila na sa tuwing kumakain ng hilaw na sibuyas ay mas lumalala ang sintomas ng heartburn kumpara sa mga pagkaing walang halong sibuyas. Bukod rito ang pagkain ng hilaw na sibuyas ay maaaring makaapekto o mairita ang daluyan ng ating lalamunan na hindi nalalayong mas ikakalala ng karamdaman.
7. Limitahan ang unuming carbonated
Ang mga inuming softdrinks ay nagpapalala ng acid reflux dahil pinapahina nito ang paggana ng lower esophageal sphincter. Kaya naman upang maiwasan ang karamdamang ito ay limitahan lamang ang pag-iinom ng mga carbonated na inumin. Masasabing mas pinakamagandang gawin ay huwag na lamang iinom nito maiiwasan pa ang hyperacidity at pagkakaroon ng mataas na asukal sa dugo.
8. Bawasan ang pagkain ng chocolate
Sa isang pag-aaral sinasabing ang pagkonsumo ng apat na ounce o isang daang ml ng chocolate syrup ay nakapagpapahina sa lower esophageal sphincter. Idagdag pa na nakakapagpataas rin ito ng acid sa ating lalamunan. Kaya naman kabilang ito sa mga kailangan mong iwasan nang sa gayon hindi lumala ang acid reflux na nararanasan.
9. Itaas ang ulo sa inyong pagtulog
Sa tuwing nakakaranas ng acid reflux makatutulong ang pageelevate ng iyong paghiga sa iyong pagtulog dahil ang gawaing ito ay nakakabawas sa mga karamdaman ng sintomas kumpara sa pagtulog ng pantay.
10. Magpalipas ng tatlong oras bago matulog
Upang maiwasan ang pag-atake ng acid reflux ay kinakailangan na may sapat na tatlong oras na pahinga bago matulog. Dahil kung agarang matutulog ay hindi matutunaw ang pagkaing kinain. Kaya naman magdudulot ito ng hindi pagkatunaw o makakaranas ng kabag. Gayunpaman ito rin ay nakapagpapalala sa sintomas ng acid reflux.
11. Matulog sa iyong kaliwang bahagi
Ayon sa mga pag-aaral ang pagtulog sa kanang bahagi ay nakapagpapalala sa sintomas ng acid reflux lalo na sa gabi dahil ang ating lalamunan ay konektado sa kanang bahagi ng ating tiyan. Kaya naman mainam na palitan ang nakasanayang pwesto ng pagtulog upang maiwasan ang sintomas ng hyperacidity.
Comments
Post a Comment