Ang pananakit ng ulo ng isang tao ay isang karaniwang karamdaman na madalas nating maramdaman lalo na kung tayo ay nakakaranas ng stress o sakit. May ilang mga rason kung bakit nakakaranas ng pananakit ng ulo ang isang tao. Maaaring ito ay dahilan ng isang impeksyon dulo't ng bacteria o virus, maaaring ito ay senyales ng isang malalang karamdaman, posibleng ito ay dala ng sobrang stress o kulang sa tulog.
Ang pananakit ng ulo ay may dalawang categorya. Ito ay primary headache at secondary headache. Gayon man, may ilang mga alternatibong mga gamot at herbal remedy para sa pananakit ng ulo.
Ano ang pinag kaiba ng Primary Headache at Secondary Headache:
1. Primary Headaches- Ito ang pananakit ng ulo na hindi dulot o nauugnay sa ibang karamdaman tulad ng migraine at tension headaches. Ang tension headaches ay epekto ng kakulangan sa tulog, dehydration, lipas ng gutom, kawalan ng ehersisyo, maling postura, sa mata at malakas na ingay.
2. Secondary Headaches- Nauugnay ito sa mga iba pang karamdaman tulad ng epekto sa pagkakaroon ng sinusitis, hangover, caffeine withdrawal, sa gamot, trangkaso, buwanang dalaw, at injury sa ulo.
Narito ang ilang dapat gawin tuwing makakaranas ng pananakit ng ulo:
1. Pahinga
Ang sobrang pagkapagod ay nagdudulot ng pananakit ng ulo. Mas mapapadalas pa ito kung palaging napapagod lalo na kung pagbabad sa paggamit ng gadgets. Kaya naman limitahan lamamg ang paggamit ng gadgets upang hindi madalas umatake ang pananakit ng inyong ulo.
Pero kung ang inyong trabaho ay madalas na kinakailangang nakaharap sa computer, tiyaking magkaroon ng labing limang minutong pahinga at tumingin-tingin sa iba't ibang direksyon o di kaya naman maglakad-lakad upang mapahinga ang inyong mata at utak dahil ang isa sa pinakamabisang paraan na panlaban sa sak!t ng ulo na dala ng pagod ay pahinga.
2. Ointments
Karaniwan na ginagamit ang ointments para maibsan ang pananakit ng ulo sa pamamagitan lamang ng pagpahid nito sa inyong ulo. Ang mga relaxing o minty flavors na ointment o essential oils ay makakatulong upang maibsan ang pananakit nito. Malaki ang naitutulong ng mga oils na ito para marelax ang ating ulo dahil sa pananakit.
3. Cold compress
Ang cold compress sa ating ulo ay isang malaking tulong upang maibsan ang pananakit ng ulo. Lalo na kung ang dahilan ng pananakit ng iyong ulo ay sa lagnat, trangkaso at pamamaga ng sinus. Ang paglagay ng cold compress ay makakatulong kung kayo ay mayroong lagnat upang matanggal at mabawasan ang temperatura sa katawan.
4. Luya
Maaaring inumin ang luya na parang tsaa lalo na kung mayroong pananakit ng ulo dahil ito ay mayroong soothing effect para sa mga karamdaman. Dikdikin lamang ang luya at pakuluan ng limang minuto. Ilagay sa isang baso at dagdagan ng honey. Haluin itong mabuti at maaari ng inumin upang maibsan ang nararamdaman.
5. Almond
Alam mo ba na ang almond ay mabisang pantanggal sa sak!t ng ulo? Ito ay nagtataglay ng sangkap na salicin na kung saan kilala bilang mahusay na ingredient laban sa sakit ng ulo. Kaya bago pa lumala ang iyong nararamdaman kumain ka na ng ilang piraso ng almonds.
6. Apple Cider Vinegar
Magpakulo ng tubig na may kasamang apple cider vinegar at saka kubkuban ang ulo ng malinis na tuwalya o ano mang tela. Langhapin ito ng lima hanggang sampung minuto. Pagkatapos nito uminom ng malamig na tubig upang mas madagdagan ang kaginhawaan.
7. Lavender oil
Sa pamamagitan ng simpleng pag-amoy sa langis na ito ay maiibsan na ang iyong nararamdaman. Ang halimuyak na taglay nito ay makapagpapaginhawa sa pananakit ng inyong ulo. Bukod sa paglanghap sa amoy nito, maaari rin naman na imasahe ang langis sa inyong ulo at haluan ng almond o olive na langis.
8. Oregano
Ang oregano ay katulad rin ng mga ointment na nabibili sa mga botika na may taglay na menthol. Kaya naman magagamit ito bilang panlunas sa sakit ng ulo. Magdikdik ng dahon ng oregano hanggang sa makuha ang katas na taglay nito. Ipaghid sa inyong noo at sentido upang guminhawa na ang nararamdaman.
Comments
Post a Comment