Ang pagkakaroon ng problema sa puso ay karaniwang maiuugnay sa paraan ng ating pamumuhay. Hindi mo masasabing bata ka pa para pangalagaan ang iyong sarili dahil kahit ano mang edad ay maaaring tamaan ka ng karaniwan o di kaya ay isang malubhang karamdaman.
Kaya naman kahit bata pa lamang ay nararapat na maging responsable na sa pag-alaga sa inyong sarili lalo na sa inyong kalusugan. Narito ang mga madalas na nagagawa sa inyong sarili na hindi mo namamalayan na nakakaapekto pala sa kalusugan ng inyong puso. Alamin ang mga ito.
1. Kawalan ng pagpapahalaga sa sarili
Marami sa atin na ang kanilang rason ay bata pa lamang sila para pangalagaan ang kanilang puso. At ang akala nila ay matatanda lamang ang tinatamaan ng karamdaman sa puso. Dahil tulad ng kanilang edad, tumatanda na rin ang kanilang puso at sumusunod lamang ito.
Ngunit ang mentalidad na nakatatak na ito sa inyong isipan ay dapat ng baguhin dahil ang pangangalaga sa kalusugan ng puso ay walang pinipiling edad kaya naman bilang pag-alaga kumain ng masustansiyang pagkain, iwasan ang bisyo na makaapekto sa kalusugan at mag-ehersisyo araw-araw.
2. Hindi nagpapakonsulta sa doktor
Nakaugalian na ng karamihan na pumupunta lamang sila sa kanilang mga doktor kung mayroon silang kakaibang nararamdaman o di kaya ay kapag malubha na ang kanilang sak!t. Kaya naman simulan na nating itatak sa ating isipan na walang masama kung paminsan-minsan alamin mo ang kalagayan ng iyong kalusugan upang mas mapangalagaan ang kalusugan at maihanda ang sarili sa panganib. Sabi nga sa kasabihan "Prevention is better than cure".
3. Sobrang stress
May malaking negatibong hatid sa kalusugan ng kaisipan ang sobrang stress. Bukod pa rito ay maaaring maapektuhan ang paggana ng ating puso. Gayundin ang ating kabuuang kalusugan, dahil minsan ang mga taong nakakaranas ng sobra sobrang stress ay mali ang kanilang pamamaraan sa pag-pawi ng kanilang isipin tulad ng pag-inom ng al@k, paninigar!lyo at pagkain ng sobra.
At kung patuloy ang gawaing ito ay hindi nakabubuti sa kondisyon ng ating puso. Kaya ang mainam na gawin ay maging masiyahin at i-relax ang sarili upang malayo sa stress.
Ang kakulangan sa tulog ay nagdudulot ng kawalan ng kalakasan at pokus sa pag-iisip. Ayon rin sa mga pag-aaral, nakakataas ng tiyansa sa isang tao na magkaroon ng problema sa puso. Bukod pa rito ay maaaring tumaas rin ang pressure sa inyong dugo at komplikasyon sa diabetes. Upang maiwasan ang panganib sa mga karamdaman kailangan ng ating katawan ang sapat na pahinga at pagtulog ng walong oras araw-araw.
5. Mahabang oras ng pagkakaupo
Sa pagkakaupo maghapon sa iyong trabaho ay nakakagambala ito sa maayos na sirkulasyon ng dugo. Upang maiwasan ang problema, ugaliing magbreak kada 30 minuto sa pagkakaupo. Maaaring mag-unat unat, maglakad-lakad, tumayo, o kumuha ng tubig.
Hindi lamang ang puso ang magbe-benefit dito kundi maging ang lebel ng iyong dugo at iyong buong katawan.
6. Hindi paggamit ng floss
Posibleng maapektuhan ang ating puso sa kawalan ng kalinisan sa ating bibig dahil maraming germs at bakterya ang maaaring kumapit rito kapag hindi nalilinisan. Dahil ayon sa mga pag-aaral, kapag ang bacterial inf3ction na ito ay namayani sa ating gilagid at ngipin tumataas ang tiyansa ng impeksyon sa daluyan ng ating dugo papunta sa ating puso. Kaya tiyakin na nagsesepilyo ka at gumagamit ng floss araw-araw para malinisan ang iyong bibig.
Ang dalawang ugaling nakasanayan na ito ay naghahatid ng kapahamakan sa ating puso. Dahil ang labis na pagkonsumo ng pagkain ay nagkakapagpapataas ng calories sa ating katawan at nakakapagpadagdag ng timbang.
Ang hindi naman pagkain sa tamang oras o pagpapalipas ng gutom ay nakakapagpawala ng enerhiya at nakakapagpabagal sa metabolismo.
Comments
Post a Comment