Marami na sa ating mga kababayan ang nakatanggap ng mga relief goods mula sa local na pamahalaan. Mayroong nagbigay ng mga bigas, sardinas, at instant noodles. Ngunit mayroon din namang mga baranggay na nabigyan ng mga sariwang gulay, prutas, at itlog.
Isa na nga sa mga nakatanggap na relief goods na itlog ay ang guro na si Irene Villanueva-Baniqued ng Andres Bonifacio Elementary School sa San Jose Del Monte sa Bulacan.
Noong matanggap niya ito ay sinabihan naman siya na itlog ng mga itik ang nasa relief pack. Dahil mahilig naman daw siya kumain ng balut ay itinabi niya muna ang iba sa food warmer samantala ang iba ay kanyang niluto.
Makalipas ng ilang mga araw ay nagulat na lamang siya ng makarinig siya ng mga huni ng sisiw na nagmumula sa food warmer kung saan niya itinabi ang mga itlog.
Noong inalis niya ang takip nito ay nakita niya na napisa ang mga itlog at lumabas ang pitong sisiw. Nadiskubre rin niya na hindi pala itlog ng itik ang kanyang natanggap kundi itlog ng manok.
Kwento ng guro na dahil sa nararanasan nating krisis ngayon sa bansa ay nakaranas rin siya ng emotional stress. Ngunit malaki ang kanyang pasasalamat dahil ngayon ay nabaling na ang atensyon niya sa kanyang mga bagong alagang sisiw at mayroon na siyang ibang pagkakaabalahan.
Aniya sa isang panayam sa DZMM,
"Nag-pray ako sa Lord na, Lord teach us the good attitude the right attitude towards this pandemic. Kasi kung magiging pangit attitude ko, parang mas bibigat yung sitwasyon. Nakikita naman po ng Lord na yung mga pinagdadaanan natin at siya po ang nakakaalam at may plano kung kailan matatapos ito."
Bukod sa mababaling na ang atensyon sa mga alagang sisiw, ay maaari pa niya itong mapalaki at pwede ring mang-itlog ang mga ito sa tamang panahon. O di kaya ay maaari ring kat@yin at ulamin kapag malaki na sila.
Comments
Post a Comment