Landlady, Imbes Na Maningil Ng Renta Ay Nagbigay Pa Ng Pera Sa Kanyang Mga Tenants

Dahil pansamantalang natigil ang mga trabaho, hirap rin ang ilang mga empleyado na makahanap ng pera para pambayad sa kanilang mga inuupahan na tahanan. 

Mayroong mga napabalita na napalayas sila sa kanilang mga inuupahan dahil hindi makabayad ng renta. Pero maswerte ka na lang din kung ang landlord/ landlady ng iyong bahay na inuupahan ay mabait at may konsiderasyon.

Katulad na lamang ng ibinahagi ng isang netizen na si Ryoko Montreal na kung saan nangungupahan lamang siya sa isang apartment na pagmamay-ari ni Nanay Preciosa na taga Meycauayan, Bulacan. Marami na ang mga napabalita na mga landlord/ landlady na nagbigay ng isang buwang renta na libre sa kanilang mga tenants.

Ngunit laking gulat na lamang ni Montreal na bukod sa hindi paningil sa kanila ng isang buwang renta ay inabutan pa sila ng kanilang mabait na landlady ng tig Php500 kada tenant. Kahit papaano ay makakatulong ito sa kanila kahit pambili lang ng pagkain lalo na ngayon na hirap ang ibang manggagawa na makahanap ng pera. 

Isipin man ng ibang tao na maliit lamang ito na bagay, ngunit ang kabaitan at konsiderasyon naman na ipinakita ni Nanay Preciosa sa kanyang mga nangungupahan ay ibig sabihin lamang na tunay siyang may malasakit sa kanyang kapwa.

Di maikakailang hinangaan ng ibang mga netizens ang ginawa ni Nanay Preciosa at hiling ng ilan na sana ganyan din ang pag-uugali ng kanilang mga inuupahan. Narito ang ilang mga komento ng mga netizens:

"Bait naman. God bless you Nanay Preciosa. Keep on spreading the virus of generosity. It is good to hear that in this time of crisis, may taong katulad nyo. Thank you."

"Wow galing naman, ang bait. Sana lahat ganyan hindi yung palalayasin pa kapag wala na pang bayad."

"One of the good things about kindness is that it promotes positive action in return."

"Yan ang pag uugali ng isang tunay na Pilipino na may malasakit at pusong Pinoy."

Sana ay marami pang taong katulad mo Nanay Preciosa!

Source: Facebook