5 Amazing Benefits Ng Chia Seeds Sa Ating Katawan

Nauuso ngayon sa mga online selling sites ang mga Chia Seeds. Ito ay parang mga maliliit na itim na buto na mula sa isang desert plant na Salvia hispanica, isang miyembro ng mint family. Kapag tuyo pa ang mga ito ay mas maliit pa sila sa butil ng bigas. Ngunit kapag ibinabad ito sa tubig o hinalo sa mga inumin ay nag-eexpand ang mga ito. 

Ngunit ano nga ba ang benepisyo ng mga ito at kung bakit matunog ang mga Chia Seeds sa panahon ngayon? Narito at alamin.

1. Mayaman sa fiber

Ang ating katawan ay kailangan ng fiber araw-araw upang mas mapadali ang paglabas ng ating dumi. At ang madaling paraan upang mapataas ang fiber intake ay ang pagkain ng mga pagkain tulad ng gulay, prutas, grains, at nuts. Pero ang 1 ounce lang ng chia seeds ay 10 gramo na ang taglay nitong fiber, higit na sa kalahati ng recommended fiber intake ng mga taong nasa 50 taong gulang pataas. 

2. Pampapayat

Kadalasang iniinom ng mga nais magpapayat ay lemon water na mayroong chia seeds. Nakakatulong kasi ito na mapanatili silang busog ng matagal at para hindi sila mapakain ng marami. Dahil mababa rin ang mga ito sa calories kaya nakakatulong ito sa pagbabawas ng timbang.

3. Panlaban sa konstipasyon

Isang dahilan kung bakit nakakaranas ng konstipasyon ay dahil sa kakulangan ng tubig at fiber sa katawan. At ang pagkonsumo ng chia seeds araw-araw ay makakatulong sa problemang ito at maiiwasan ang pagkakaroon ng implamasyon sa iyong colon o malaking bituka.

4. Magandang epekto sa kolesterol at presyon

Ang pagkonsumo ng mas maraming fiber ay nakakatulong sa pagpapababa ng presyon at kolesterol. Ayon sa mga pag-aaral ang dietary fiber ay mayroong magandang epekto sa immune system at implamasyon. Nakakatulong itong mabawasan ang mga kondisyon na tulad ng sak!t sa puso, dyabetis, at obesity.

5. Panlaban sa heart d!sease

Ang chia seeds ay magandang mapagkukuhnan ng omega-3 fatty acids at antioxidants. Sa paraang ito, nakakatulong ito upang malabanan ang mga heart d!sease at pinapababa ang tyansang magkaroon ng bara ang mga ugat sa katawan na nauuwi sa atake sa puso at str0ke.