Skip to main content

7 Tips Na Dapat Tandaan Upang Hindi Mabilis Mapanis Ang Kanin Na Sinaing

By

Ang rice o kanin ang 'staple food' nating mga Pinoy. Sa tuwing tayo ay kakain ng agahan, tanghalian, at hapunan ay a na tayo ay nagkakanin. 

Ngunit minsan, kung napapansin ninyo ay napapasobra ang inyong nasasaing kaya naman kung hindi ito agad nakakain ay nasisira at nasasayang na lang ito. Kaya narito ang ilang mga tips na dapat tandaan para hindi mabilis mapanis ang inyong kanin.

1. Tiyaking malinis ang kalderong pang-saing

Bago magsaing ng kanin, siguraduhing dapat malinis ang kalderong pagsasaingan. Minsan, isa sa mga dahilan kung bakit madaling mapanis ang inyong kanin ay dahil hindi nalilinisang mabuti ang kaldero. Maaaring may mga natirang kanin o di kaya ay mayroong sabon na naiwan. Kaya naman kung nais talagang makatiyak na walang mikrobyong naiwan ay pakuluan ito bago gamitin.

2. Tubigan ng tama ang bigas

Isa rin sa mga nakakaapekto sa madaling pagkapanis ng kanin ay ang tubig na inilalagay rito. Makakabuti na kapag luma na ang bigas ay dagdagan ito ng kaunting tubig upang hindi ito madaling tumigas. 

3. Hugasan ng maayos

Ilang beses ninyo hinuhugasan ang inyong bigas na sinasaing? Mayroong ilang tao na isa o dalawang beses nilang hinuhugasan ang kanilang sinasaing na bigas. Makakatulong kasi ang maayos na paghuhugas upang matanggal ang mga bukbok o contaminants ng bigas na nakakapagdulot ng mabilis na pagkapanis nito. 

4. Iangat ang takip ng kaldero kung malapit ng maluto ang sinaing

Ang pagkakaroon ng sobrang moisture sa loob ng kaldero ay isa ring dahilan kung bakit mabilis mapanis ang sinaing. Upang maiwasan ito, makakabuti kung iangat ng kaunti ang takip ng kaldero kapag malapit ng maluto ang kanin upang maiwasan ang sobrang pagbubuo ng moisture. 

5. Lagyan ng kaunting suka

Maaaring nagtataka kayo kung bakit ang ilang mga tao ay nilalagyan ng suka ang kanilang sinasaing na kanin. Ang suka kasi ay may kakayahang mapreserba ang kanin upang hindi ito madaling mapanis. Maaaring maglagay ng isa o dalawang kutsarang suka. Siguraduhin lamang na hindi ito sosobra dahil maaari itong makaapekto sa lasa ng inyong sinaing. 

6. Isangag ang tirang kanin

Upang hindi masayang o mapanis lang ang sinaing, isangag na lamang ito para makain pa ito. Igisa ang tirang kanin sa bawang at maaaring lagyan ng kaunting pampalasa tulad ng ham, itlog o hotdog.

7. Ilagay sa ref

Kung mayroong pang natirang kanin sa inyong kaldero, maaari itong itago muna sa ref para hindi ito agad mapanis. Ngunit tiyaking hindi na ito mainit bago ipasok sa ref dahil ang kanin na mayroong moisture ay maaaring maging breeding ground ng bakterya. Ilagay ito sa isang air tight na container o storage. At kung nais na muli itong kainin, ipainit lamang ito. Ngunit amuyin muna at tiyaking hindi pa ito nangangamoy panis.
Labels:

Comments

Post a Comment

Popular posts from this blog

Tips Para Tanggalin Ang Pumasok Na Langgam/Insekto Sa Loob Ng Tenga

By
Naranasan niyo na bang mapasukan ng insekto o ng langgam sa tenga? Napakasakit talaga nito at hindi ka mapapakali. Bukod sa nakakarinig ka ng parang may naglalakad o pumuputok na tunog sa loob ng inyong tenga. Minsan ay maaari ka pang makagat sa loob o mawalan ng pandinig. Kaya narito ang mga tips kung paano tanggalin ang nakakairitang langgam o insekto na pumasok sa iyong tenga: 1. I-wiggle o galaw galawin ang tenga Subukang galaw-galawin o i-wiggle ang apektadong tenga. Sa paraang ito, maaaring mahulog ang insekto papalabas. 2. Patakan ng langis o baby oil Ang langis ay makakapagpigil sa paggalaw ng insekto o langgam papaloob sa tenga. 3. Patakan ng kaunting tubig Gamit ang dropper o bulb syringe, patakan ng kaunting tubig ang loob ng tenga upang malunod ang insekto. Galawin ang ulo at tenga para lumabas ang tubig. 4. Pahiran ng butil ng asukal ang labas ng tenga Ang matamis na amoy ng asukal ay pang-aakit sa langgam upang lumabas. 5. I-...
42 comments
Read more

Masakit na Puson Kahit Walang Period? Narito ang Ilang Posibleng Dahilan Niyan

By
Ang pananakit ng puson at balakang ay normal lamang sa tuwing darating o kasalukuyang may buwanang dalaw. Karaniwan na itong nararanasan ng mga kababaihan. Ngunit paminsan-minsan may mga pagkakataon na nakararanas ng pananakit at pagkirot ng puson kahit na hindi pa panahon ng pagdating ng kanilang buwanang dalaw. Ano nga ba ang posibleng rason? Narito ang mga posibleng kadahilanan: 1. Inflammatory bowel disease Ito ay isang karamdaman na nauugnay sa malalang implamasyon ng sistemang panunaw. Pinaniniwalaan na sanhi ito na may kaugnayan sa pagdiyeta at lebel ng stress. At ang sintomas nito ay maaaring banayad lamang o di kaya hanggang sa umabot ito sa malubhang karamdaman. Maihahalintulad rin ito sa karamdamang Crohn's at ulcerative colitis. Gayunpaman, sa halos lahat ng oras ay maaaring magdusa ang isang tao sa pamamagitan ng pagtatae, pananakit ng tiyan at pagkirot. 2. Maaring bukol sa obaryo Ang bukol sa obaryo ay isang sac sa l...
4 comments
Read more