Iba't iba ang pananaw ng mga tao sa kanilang pagpapayat. May nag-eehersisyo ng sobra, umiinom ng mga kapsulang pampayat, herbal na medisina, at ang pinaka-karaniwang ginagawa ng mga tao ay ang pagpapalipas ng kanilang gutom o di kaya ay hindi kumakain dahil sa tingin nila ito ang mabilis na paraan sa pagbawas ng kanilang timbang.
Ngunit hindi nila alam na nakakapagdudulot ito ng kapahamakan sa kanilang kalusugan. Bukod dito, ang pagkagutom ay nagdudulot ng negatibong epekto sa ating kaisipan na maaaring mahirapan sa pagkatuto o kakayahang mag-isip at walang enerhiya sa mga gawain o kawalan ng lakas ng katawan.
Pinatutunayan din ng siyensya na hindi magandang matulog ng walang laman ang tiyan o gutom. Narito ang maaaring mangyari at epekto sa katawan.
1. Nakakadagdag ng timbang
Kung sa tingin mo ang pagpapagutom sa iyong sarili ay makatutulong sa iyo para mabawasan ang iyong timbang, isang malaking pagkakamali ito. Dahil na imbes na pumayat ka ay maaaring magdulot ito mas lalong paglobo ng iyong katawan at pagtaas ng timbang.
Maliban rito, ang pagtulog ng gutom ay nagbibigay ng dobleng kalakasan sa pananabik o kagustuhan sa mga pagkain. Kaya naman ito ang rason kung bakit mas tataas ang iyong timbang. Kaya ang mainam na gawin ay kumain pa rin ng sapat at masustansyang pagkain bago matulog. Tiyakin na magpalipas muna ng dalawa hanggang tatlong oras bago matulog.
2. Kawalan ng enerhiya
Ang pagkain ay siyang nagbibigay ng kalakasan sa ating katawan na para bang katulad ng gasolina sa mga sasakyan. Kaya naman kung hindi ka kumain bago matulog, sa iyong pag-gising kinabukasan ay makakaramdaman na kaagad ng pagkahapo ang iyong katawan kahit na galing ka naman sa pagpapahinga.
Dahil sa kawalan ng laman ang iyon tiyan nauubos rin ang enerhiya mo sa katawan. Kung saan maaaring maapektuhan nito ang iyong abilidad sa pagtatarabaho at talas ng pag-iisp. Ayon sa sa mga mananalisik ang pagtulog ng gutom ay maaaring makapagdulot rin ng depresy0n sa isang tao.
3. Pagkawala ng muscle mass
Ayon sa mga dalubhasa, maling paraan ang pagpapagutom sa iyong sarili lalo na kung gusto mong madagdagan ang iyong kakisigan o hulma sa iyong katawan. Dahil kailangan ng ating katawan ang mga nutrisyon na mula sa pagkain upang mapalitan bilang protina na siyang mag-huhulma sa ating muscle.
4. Hindi maayos na tulog/ disturbed sleep
May mga pagkakataon na sa sobrang pagod sa trabaho ay gusto na lamang nating humiga at matulog kahit hindi pa kumakain. At dahil sa kagustuhang makapagpahinga ay pinipilit na lamang na matulog kahit na kumakalam ang ating sikmura.
Ngunit ang sitwasyon na ito ay hindi nakabubuti sa atin dahil mas lalo itong magdudulot ng hindi maayos na pag-tulog at pinalalakas pa nito lalo ang kagustuhan at kasabikan sa pagkain.
Comments
Post a Comment